Metrical description (AR, pp. ):
"itu veḷḷaic curitakattāliṟṟa ottāḻicaikkali."

Metrical text

• {KALI 72-1} iṇaipaṭa nivanta nīlameṉ cēkkaiyuṭ
• {KALI 72-2} ṭuṇaipuṇa raṉṉattiṉ ṟūvimel laṇaiyacaiic
• {KALI 72-3} cēṭiyal vaḷḷattup peytapāl cilakāṭṭi
• {KALI 72-4} yūṭumeṉ ciṟukiḷi yuṇarppavaṇ mukampōlap
• {KALI 72-5} putunīra putaloṟṟap puṇartiraip pitirmalka
• {KALI 72-6} matinōkki yalarvītta vāmpalvāṉ malarnaṇṇik
• {KALI 72-7} kaṭikayat tāmaraik kamaḻmukai karaimāviṉ
• {KALI 72-8} vaṭitīṇṭa vāyviṭūum vayalaṇi nallūra ;

  ---

• {KALI 72-9} kaṇṇinī kaṭikoṇṭārk kaṉaitoṟum yāmaḻap
• {KALI 72-10} paṇṇiṉāṟ kaḷippikkum pāṇaṉkāṭ ṭeṉṟāṉō
• {KALI 72-11} pēṇāṉeṉ ṟuṭaṉṟava rukirceyta vaṭuviṉāṉ
• {KALI 72-12} mēṉāṇiṉ ṟōḷcērntār nakaicērnta vitaḻiṉai ;

  ---

• {KALI 72-13} nāṭiniṉ ṟūtāṭit tuṟaiccellā ḷūrava
• {KALI 72-14} rāṭaikoṇ ṭolikkuniṉ pulaittikāṭ ṭeṉṟāḷō
• {KALI 72-15} kūṭiyār puṉalāṭap puṇaiyāya mārpiṉi
• {KALI 72-16} lūṭiyā reṟitara voḷiviṭṭa varakkiṉai ;

  ---

• {KALI 72-17} veṟituniṉ pukaḻkaḷai vēṇṭāri ṉeṭuttēttu
• {KALI 72-18} maṟivuṭai yantaṇa ṉavaḷaikkāṭ ṭeṉṟāṉō
• {KALI 72-19} kaḷipaṭṭār kamaḻkōtai kayampaṭṭa vuruviṉmēṟ
• {KALI 72-20} kuṟippeṟṟār kuraṟkūntaṟ kōṭuḷarnta tukaḷiṉai ;

  ---

• {KALI 72-21} eṉavāṅku ;

  ---

• {KALI 72-22} ceṟivuṟṟē memmainī ceṟiya vaṟivuṟ
• {KALI 72-23} ṟaḻintuku neñcattē malla luḻappak
• {KALI 72-24} kaḻintavai yuḷḷātu kaṇṭa viṭattē
• {KALI 72-25} yaḻintuniṟ pēṇik koḷali ṉiḻintatō
• {KALI 72-26} vinnō yuḻatta lemakku

Metrical patterns

Kalittokai

((Originally extracted from master file ^KALI.OCP))
((Last updated on 2004 April 14th))

Murray Rajam text (simplified by T.Lehmann for indexing purpose)

• {KALI 72-1} iṇaipaṭa nivanta nīla mel cēkkai uḷ
• {KALI 72-2} tuṇai puṇar aṉṉattiṉ tūvi mel aṇai acaii
• {KALI 72-3} cēṭu iyal vaḷḷattu peyta pāl cila kāṭṭi
• {KALI 72-4} ūṭum mel ciṟu kiḷi uṇarppavaḷ mukam pōla
• {KALI 72-5} putu nīra putal oṟṟa puṇar tirai pitir malka
• {KALI 72-6} mati nōkki alar vītta āmpal vāl malar naṇṇi
• {KALI 72-7} kaṭi kaya tāmarai kamaḻ mukai karai māviṉ
• {KALI 72-8} vaṭi tīṇṭa vāy viṭūum vayal aṇi nal ūra
• {KALI 72-9} kaṇṇi nī kaṭi koṇṭār kaṉaitoṟum yām aḻa
• {KALI 72-10} paṇṇiṉāl kaḷippikkum pāṇaṉ kāṭṭu eṉṟāṉ ō
• {KALI 72-11} pēṇāṉ eṉṟu uṭaṉṟavar ukir ceyta vaṭuviṉāṉ
• {KALI 72-12} mēl nāḷ niṉ tōḷ cērntār nakai cērnta itaḻiṉai
• {KALI 72-13} nāṭi niṉ tūtu āṭi tuṟai cellāḷ ūravar
• {KALI 72-14} āṭai koṇṭu olikkum niṉ pulaitti kāṭṭu eṉṟāḷ ō
• {KALI 72-15} kūṭiyār puṉal āṭa puṇai āya mārpiṉil
• {KALI 72-16} ūṭiyār eṟitara oḷi viṭṭa arakkiṉai
• {KALI 72-17} veṟitu niṉ pukaḻkaḷai vēṇṭār il eṭuttu ēttum
• {KALI 72-18} aṟivu uṭai antaṇaṉ avaḷai kāṭṭu eṉṟāṉ ō
• {KALI 72-19} kaḷi paṭṭār kamaḻ kōtai kayampaṭṭa uruviṉ mēl
• {KALI 72-20} kuṟi peṟṟār kural kūntal kōṭu uḷarnta tukaḷiṉai
• {KALI 72-21} eṉa āṅku
• {KALI 72-22} ceṟivuṟṟēm emmai nī ceṟiya aṟivuṟṟu
• {KALI 72-23} aḻintu uku neñcattēm allal uḻappa
• {KALI 72-24} kaḻintavai uḷḷātu kaṇṭa iṭattu ē
• {KALI 72-25} aḻintu niṉ pēṇi koḷaliṉ iḻintatu ō
• {KALI 72-26} i nōy uḻattal emakku